По шест месеци пауза на 15 септември треба да почне Копа Либертадорес. Елитното клупско натпреварување во Јужна Америка поради пандемијата по две одиграни кола беше прекинато на 12 март, а продолжението на сезоната е предвидено со одигрување на четири дуели од третото коло,а ден подоцна и останатите пет натпревари.

Фазата по групи ќе се комплетира на 17 септември по што се продолжува со елиминациската рунда.

Според календарот финалето треба да се игра во текот на јануари, а домаќин ќе биде стадионот Маракана во Рио де Жанеиро.