Во дербито на 17-тото коло во домашниот фудбалски шампионат, лидерот Шкупи во завршницата од натпреварот против Шкендија успеа да се спаси од пораз.

Гостите од Тетово поведоа во 71-та минута со погодокот на Сидрит Гури, но на две минути пред крајот на средбата Фреди Алварез се запиша во листата на стрелците и на домаќинот успеа да му донесе бод.

Македонија ЃП беше убедлива во соочувањето против Академија Пандев забележувајќи победа од 4:1. а значајни бодови на гостувањата освоија Борец и Работнички кои славеа во дуелите против Ренова односно Брегалница.

ФУДБАЛ – ПРВА ЛИГА

17. КОЛО

СКОПЈЕ – СТРУГА 1:0

Христијан Кировски 77

ШКУПИ – ШКЕНДИЈА  1:1

Фреди Алварез 88 – Сидрит Гури 71

ПЕЛИСТЕР – БОРЕЦ  1:3

Дарко Размоски 25 – Ѓорѓи Ѓорѓиев 24, 73, Крста Ѓорѓевиќ 59

МАКЕДОНИЈА ЃП – АКАДЕМИЈА ПАНДЕВ  4:1

Матеус Лемос 18, Арби Воша 42, 50, Јован Попзлатанов 74 – Адис Хаџановиќ 90

БРЕГАЛНИЦА  – РАБОТНИЧКИ 1:2

Мартин Стојанов 65 – Марјан Ристовски 56, Димитар Тодоровски 60

РЕНОВА – ТИКВЕШ  1:1

Бурхан Мустафов 56 – Барга Анаел 72