Русија го освои Дејвис Купот откако вечерва во големото финале во Мадрид ја совлада Хрватска во сингл-конкуренција. Андреј Рубљов и Данил Медведев го обезбедија трофејот за Русите.

Медведев со 7-6 и 6-2 го совлада Марин Чилиќ, а претходно и Андреј Рубљов во два сета беше подобар од Борна Гојо со 6-4 и 7-6.

Пресметката во двојки не беше потребна, а таму Хрватите имаа сериозна предност,  бидејќи Мектиќ и Павиќ моментално се најдобриот тениски пар.

За Русија ова е трет трофеј во Дејвис Купот по 2002 и 2006 година.