ФИБА номинираше тројца македонски кошаркарски репрезентативци во изборот за најдобра петорка на Европските првенства во изминативе 20 години од малите земји, кои не се закитиле со медал.

Перо Антиќ, Владо Илиевски и Лестер Бо Мекејлеб се најдоа помеѓу 16-те номинирани кошаркари, а фановите ќе можат да гласаат преку официјалната интернет страница на фиба. Светската куќа на кошаркарта со ова сака да им оддаде признание на оние кошаркари кои оставија голем белег на Европските првенства изминативе две декади, но нивните репрезентации не стигнаа до одличје.

Македонската кошаркарска репрезентација имаше неверојатен и историски настап на Европското првенство во 2011 година, кога го освоивме четвртото место во Литванија, елиминирајќи ја домашната селекција во четвртфиналето.

Меѓу останатите номинирани се Предраг Дробњак, Никола Вучевиќ и Никола Пековиќ од Црна Гора, потоа тука е и Мирза Телетовиќ (БиХ). Луол Денг (В. Британија), Лаури Марканен, Петери Копонен (Финска), Адам Ханга (Унгарија), Јон Стефансон (Исланд), Сем Ван Росом (Белгија), Марцин Гортат (Полска) и Јонас Јеребко и Џефри Тејлор (Шведска).