Тимот на Хас потврди дека Бразилецот, Пјетро Фитипалди ќе биде замената за Роман Гросжан на следната трка од Светскиот шампионат во формула 1 која исто така ќе се вози на патеката во Бахреин.

“Ромен минатата ноќ ја мина во болница, лечењето на изгорениците оди според планот и се очекува утре да биде пуштен на домашно лекување”, се вели во соопштението што го објави тимот.

Гросжан на вчерашната трка уште на стартот по контактот со Данил Квјат излета од патеката, а неговиот болид се запали, но за среќа Французинот мина со полесни повреди и има само изгореници на рацете.