Ракометарите на Вардар триумфално го завршија настапот во фазата по групи во Лигата на шампионите.

Во победата над Елверум од 39:30, Тимур Дибиров беше најефикасен со седум погодоци и сосема заслужено се најде во идеалната постава во последната рунда и е во друштво со голманот Андреас Волф од Киелце, Никола Карабатиќ од Пари Сен Жермен, средниот бек на Веспрем, Расмус Лауге, Лукас Сандел од Алборг, Алеиш Гомез од Барселона и на пикерската позиција се наоѓа Андреа Нилсон.

Еден од седумте гола на Дибиров се најде во изборот на најатрактивните погодоци и го освои второто место.

ФОТО: Игор Паневски