И покрај воведувањето на карантинот во Велика Британија, завршниот АТП турнир ќе се одржи во Лондон, но нема да биде дозволено присуство на гледачи.

Според календарот турнирот во британската престолнина ќе се одржи во периодот од 15 до 22 ноември, а на него ќе настапат осумте најдобри тенисери во текот на сезоната.

Мечевите ќе се играат во О2 арената во Лондон и ова е последен завршен турнир на Острвот бидејќи од следната година тој се сели во Торино.

Покрај двајцата водечки тенисери на светот Новак Ѓоковиќ и Рафаел Надал на турнирот ќе настапат уште бранителот на трофејот Стефанос Циципас, Доминик Тим, Александар Зверев и Данил Медведев.