Прославениот италијански фудбалер Андреа Пирло е нов тренер на Јувентус.Шампионот на Серија А експресно реагираше после вчерашната елиминацијата од Лион  во осминафиналниот двомеч во Европа.Старата Дама  денеска  му врачи отказ на Маурицио Сари и го прекомандува  Пирло од лидер на тимот до 23 години до тренер  на првата екипа.Пред осум дена на  промоцијата на Андреа Пирло во менаџерскста постава кај Јувентус,Андреа Ањели изјави:

Денеска почнува нова епизода во неговата кариера, Маестро  ќе биде  Мистер.

Легендарниот фудбалер за врска  на Милан и на Јувентус,освојувач на СП со Италија во 2006 потпиша договор со гигантот од Торино до јуни 2022,што е  негов  прв ангажман како тренер.