Барселона потврди дека по последното тестирање пред заминувањето за Лисабон еден од фудбалерите е позитивен на Ковид 19.

Во соопштението од клубот се потенцира дека фудбалерот нема симптоми и дека веќе е во изолација.

Неофицијално станува збор за играч кој не е во кругот на кандидати за стартната постава и според информации од клубот тој немал контакт со фудбалерите од првиот тим. Играчите кои вчера биле тестирани се Тринкао, Педри, Ориол Бускетс, Ваг, Миранда, Алења, Матеус Фернандеш и Тодибо.