Голманот на Вардар, Мартин Томовски беше еден од клучните играчи за пресвртот во второто полувреме од дуелот против Елверум и благодарение на неговите интервенции и одличната игра во нападот “црвено-црните” успеаа да стигнат до нов триумф во шампионската лига.

“Добро го отворивме натпреварот, екипата почна на посакуваното ниво, но на стартот изостана поддршката од нас голманите. Подоцна се консолидиравме, дадовме се од себе за да стигнеме до победата и заслужено се радувавме. Благодарност до соиграчите за максималниот ангажман, што веруваа во себе и во моментите на криза кога противникот го презеде водството. Покажавме карактер, овој триумф е исклучително важен за зголемување на самодовербата пред наредните дуели со Веспрем”, изјави Томовски.

ФОТО: Игор Паневски