Макс Ферстапен славеше на домашната трка за Големата награда на Холандија и го презема водството во генералниот пласман во Формула 1 шампионатот.

Возачот на Ред Бул ја имаше пол-позицијата на патеката „Зандворт“ и водеше од почеток до крај на трката. За Холанѓанецот ова беше седма победа сезонава, а финишираше пред двајцата возачи на Мерцедес, Луис Хамилтон и Валтери Ботас.

Четврти беше Пјер Гасли од Алфа Таури, по него следуваше пилотот на Ферари, Шарл Леклер, Фернандо Алонсо, Карлос Сајнц, а во поени влегоа и Серхио Перез, Естебан Окон и Ландо Норис.

Во генералниот пласман Ферстапен се проби на првото место со 224,5 поени или три повеќе од шесткратниот шампион Хамилтон.

Следниот викенд се вози трката за Големата награда на Италија на патеката „Монца“.