Федерика Брињоне стигна до 26-тата победа во кариерата откако денеска беше најбрза на велеслаломската трка во Оре во рамки на Светскиот куп во алпско скијање.

Италијанката имаше фантастично второ возење, бидејќи по првата трка беше трета и со вкупно време од 2:11,02 стигна до триумфот пред домашната фаворитка Сара Хектор од Шведска, која задоцни 33 стотинки. Трета беше Лара Гут-Бехрами.

Италијанката и натаму има математички шанси да го освои малиот кристален глобус во велеслалом, но Гут-Бехрами има 95 бодови пред последната трка во Залбах идната недела. Швајцарката е лидер и во генералниот пласман, таму има 1.654 бодови, додека Брињоне има 1.368.
Утре во Оре, скијачките ќе се натпреваруваат во слалом.