По само неколку недели тренерот на Барселона, Чави го смени мислењето и по заминувањето на Усман Дембеле сега тој би сакал во екипата го има Жоао Феликс.

Предводникот на Каталонците неодамна истакна дека Португалецот тешко ќе се вклопи во неговиот тим и дека нема потреба да се трошат пари за негово ангажирање, но сега кога има проблем со составувањето на напаѓачката линија тој побарал од челниците на клубот да почнат преговори со Атлетико Мадрид.

Медиумите во Шпанија потенцираат дека сега веќе не постои опција за позајмица на 12 месеци и дека ќе се бара целосен откуп на неговиот договор, а висината на обештетувањето е најмалку 100 милиони евра, сума која Барселона во моментов не може да ја обезбеди.

Каталонците ќе играат на фактот дека Жоао Феликс не е во најдобри односи со тренерот Диего Симеоне и дека тоа е адутот кој може да се искористи во преговорите.

ФОТО: Игор Паневски