Дарко Чурлинов синоќа против Лихтенштајн во победата од 5-0 го постигна својот прв гол во овие квалификации за Македонија. Крилниот напаѓач се врати на листата на стрелци по нешто повеќе од две години.

Овој триумф треба да биде и знак за идните противници на Македонија, дека Скопје не се освојува лесно.

„Го направивме на теренот тоа што беше договорено и резултатот си дојде самиот по себе. Денеска нема релаксирачки натпревар. Никој не може да влезе во натпревар со 70 или 80 отсто, посебно кога играме за репрезентација. Секоја репрезентација кога ќе дојде овде треба да знае каде доаѓа и треба добро да го испотат задникот за да нè победат. Имаме интересни натпревари пред нас кои ќе бидат одлучувачки. Треба да даде се од себе и да искочи се во најдобро светло“, рече Чурлинов по натпреварот со Лихтенштајн.

Фото: Фудбалска федерација на Македонија