Првиот голман на македонската фудбалска репрезентација Столе Димитриевски ќе го пропушти утрешниот дуел со Малта во квалификациите за Европското првенство во 2024 година.

Нашата „единица“ има повреда на грбот, што веројатно ја заработи за време на дуелот со Италија во саботата кога имаше незгодна интервенција поради лошиот терен на арената „Тодор Проески“.

Селекторот Благоја Милевски одлучи да го повика голманот на Шкендија, Давор Талески како негова замена.

Се очекува утре против Малта од првата минута да брани Дамјан Шишковски, а во комбинацијата за настап е и Игор Алексовски.

Фото: Игор Паневски