Еурофарм Пелистер вечерва во 20:45 часот го пречекува Кјелце во рамки на 6.коло во Лигата на шампиони. Македонскиот првак има пет порази на претходните пет натпревари, а вечерва на клупата ќе дебитира Бранислав Ангеловски.

Пировата победа против Вардар изминатиот викенд во домашната Суперлига донесе дополнителен немир во редовите на Еурофарм Пелистер. Клубот го разреши тренерот Александар Јовиќ од функцијата, а оставка поднесе тим-менаџерот Ѕвонко Шундовски.

Привремен тренер на битолчани ќе биде досегашниот спортски директор на клубот Бранислав Ангеловски. Поранешниот репрезентативец вечерва ќе го има своето деби на клупата и тоа против гигантот Кјелце. „Пелистерци“ ќе се надеваат на изненадување против полскиот состав, кој сезонава не игра на највисоко ниво и од пет натпревари има две победи, два порази и едно реми во рамки на групата А, доволно само за 6.место, скор што го дели со Загреб и Алборг.

Вечерашниот натпревар во салата „Боро Чурлевски“ во Битола ќе покаже дали смената на клупата ќе придонесе за позитивен шок во екипата за подобри резултати во продолжение од сезоната.

РАКОМЕТ ЛИГА НА ШАМПИОНИ
6.КОЛО

ГРУПА А
АЛБОРГ – КОЛСТАД (18:45 часот)
Е. ПЕЛИСТЕР – КЈЕЛЦЕ (20:45 часот)

ГРУПА Б
МОНПЕЛЈЕ – МАГДЕБУРГ (20:45 часот)