Викендов Скопје е домаќин на Европскиот јуниорски куп во џудо на кој настапуваат 229 натпреварувачи од 29 земји.

Меѓу учесниците се и 15 македонски репрезентативци, а на првиот ден од натпреварувањето настапија осум, а најдобриот резултат го забележа Катерина Ацевска која во категоријата преку 78 килограми преку репасажот стигна на чекор до пласман во полуфиналето.

Дел од репасажот беше и Игнат Петров, кој настапи во категоријата до 60 килограми, а преку овој сегмент од турнирот шанса да се бори за трофеј имаше и Лилјана Недановска.

На првиот ден од македонските џудисти настапија уште Сергеј Димитровски, Никола Магдески, Андреј Симоновски, Георгиј Магдески и Кристина Мантароска.

Европскиот јуниорски џудо куп се одржува салата на СЦ Јане Сандански.

ФОТО: Игор Паневски