Ракометарите на Алкалоид и во вториот дуел против Бриксен забележа убедлива победа. Овој пат составот предводен од Кирил Лазаров триумфираше со 38:31.

Гостите од Италија беа рамноправен противник само во првите половина час од средбата кога и успеаа на одмор да заминат со предност од 20:19.

Во продолжението составот на Алкалоид целосно ја презема контролата врз играта и резултатот и на крајот заслужено стигна убедлива победа и пласман меѓу осумте најдобри во Купот на ЕХФ.

Најефикасен во македонскиот тим беше Александар Петковски со осум гола додека Марко Митев седум пати се запиша меѓу стрелците.

ФОТО: Игор Паневски