Македонската машка ракометна репрезентација во реванш дуелот од баражот за пласман на Светското првенство ја совлада селекцијата на Фарски острови со 34:26 и следната година повторно ќе биде дел од светската ракометна елита.

Избраниците на селекторот Кирил Лазаров одиграа еден фантастичен натпревар и со поддршката од преполните трибини во арената Борис Трајковски стигнавме до уште еден триумф.

Најефикасен во нашиот состав со осум гола е Жарко Пешевски, седум пати прецизен беше Филип Кузмановски додека шест погодоци беа дело на Марко Митев.

ФОТО: Игор Паневски