Денеска на патеката во СЦ Матка на програмата беа квалификациските трки на 55. издание на Илинденскиот кајак слалом.

Најдобро постигнување по првиот ден од натпреварувањето има македонскиот репрезентативец Ангел Петрушев додека на втората позиција се пласираше Марко Ѓорѓевиќ од Србија.

Третото место му припадна на Стефан Рибарски, а меѓу триесетте натпреварувачи кои се пласираа за утрешното полуфинале има уште десет Македонци кои се во конкуренција за победа на јубилејното издание на ИКАС.

Полуфиналните трки што ќе се одржат утре почнуваат во 10 часот и 30 минути.

ФОТО: Игор Паневски