Во натпревар од 28. коло во Фудбалскиот шампионат на Македонија, Работнички го совлада Пелистер со 2:1.

Гостите поведоа со погодокот на Мирко Ивановски во 40. минута. Во вториот дел Работнички успеа да направи пресврт, а најзаслужни се двојниот стрелец Аиме Гандо кој головите ги постигна во 68. и 89. минута како и Крис Далеј кој влезе во второто полувреме и асистираше при постигнувањето на погодоците.

Со овие три бода Работнички се задржа на третото место на табелата и е на најдобар пат да избори пласман во квалификациите од Конференциската лига.

ФОТО: Игор Паневски