Англискиот репрезентативец Џордан Хендерсон не одигра ниту една минута во драматичната победа против Мексико во осминафиналето на Светското првенство, но сепак заработи сериозна повреда.

По последниот судиски свиреж, англиските фудбалери славеа со своите навивачи на преполниот стадион „Ацтека“ во Мексико Сити, а Хендерсон се лизна и падна преку рекламните билборди покрај теренот. Веднаш му беше укажана лекарска помош, доби и кислород, по што беше изнесен на носилки и пренесен во болница.

Според првичните информации, Хендерсон има сериозна повреда на зглобот на раката, поради што неговиот настап до крајот на Мундијалот е доведен во прашање. Селекторот Томас Тухел по натпреварот потврди дека фудбалерот е во болница и дека станува збор за повреда што не се вклопува во радосната вечер за Англија.

Хендерсон досега имаше само еден настап на ова Светско првенство, кога влезе како резерва во финишот од натпреварот против Панама. Англија во четвртфиналето ќе игра против Норвешка.

Reklam panolarının üzerinden atlarken sakatlanan Jordan Henderson hakkında Thomas Tuchel: “Bir anda yere düştü ve el bileğinden sakatlandı. Durumu gerçekten kötü görünüyor.” pic.twitter.com/SU70tNbdnF

— De Marke Sports (@demarkesports) July 6, 2026