Само еден ден по заминувањето на тренерот Един Терзиќ, од таборот на Борусија Дортмунд заминува и еден од главните играчи во тимот Матс Хумелс.

Фудбалерот и клубот се договорија да не ја продолжуваат соработката, па стоперот ќе може да потпише за нов тим без обештетување.

Хумелс мина вкупно 13 сезони во дресот на Борусија, а помеѓу двата мандати во жолтиот дрес играше и за Баерн Минхен. Ветеранот кој има 35 години наводно е заинтересиран за трансфер во странство, а Јувентус и Милан би сакале да го видат во своите редови.