Во понеделник ќе започне процесот против Манчестер сити по обвинението за 115 прекршоци на финансиските правила на Премиерлигата. Сослушувањето ќе биде пред независна комисија далеку од очите на јавноста и се очекува целиот процес да трае околу два месеци.

Предвидувањата се дека одлуката дали Сити ќе биде казнет или ќе биде ослободен од обвинувањата да биде објавена во пролетта 2025 година.

Ако англискиот првак биде прогласен за виновен веројатно ќе биде исфрлен од Премиерлигата, а не се исклучува и одземање на шампионските титули освоени изминатите години, бидејќи процесот е за прекршување на финансиските правила во последната декада.

За потсетување, во последните десет сезони во Премиерлигата, Сити беше шампион седум пати.