Поранешниот уругвајскии фудбалски репрезентативец, Диего Форлан ќе дебитира во професионалниот тенис на 45-годишна возраст. Напаѓачот, кој во минатото играше за Манчестер јунајтед, Вилјареал, Атлетико Мадрид и Интер ќе настапи на АТП турнирот во Монтевидео и тоа во двојки како партнер на Аргентинецот Федерико Корија.

Форлан изминатиот период играше на ИТФ Мастерс турнири за тенисери постари од 45 години, но сега оди на повисоко ниво и тоа на АТП настан од втората категорија на Челинџери. Интересно е тоа што Уругваецот во своите тинејџерски денови бил исклучително талентиран тенисер, но се одлучил да продолжи со фудбалот и направи фантастична кариера. Ја освои Златната топка за најдобар играч на Светското првенство во 2010 година, каде Уругвај го освои четвртото место.