Данска направи историски подвиг и трет пат по ред го освои Светското ракометно првенство. Скандинавците вчера во големото финале во Стокхолм ја совладаа Франција со 34-29.

Очекувано беше што најдобриот играч на турнирот доаѓа од редовите на шампионот, но во идеалниот тим има само еден Данец и тоа не е МВП-то.

Трет пат по ред Данец ја освојува МВП наградата на Светските првенства, а Матијас Гидсел оваа година го наследи својот соиграч Микел Хансен. Десниот бек беше заврши како најдобар стрелец на турнирот со 60 голови. И покрај овој ефект за Гидсел немаше место во идеалниот тим.

Таму се најде само еден негов соиграч од Данска, а тоа е младиот Симон Питлик на позицијата лев бек. Најдобар голман е Германецот Андреас Волф, најдобро десно крило е Неклас Егберг од Шведска, потоа најдобар десен бек е Алекс Душебаев од Шпанија, а Недим Ремили од Франција е најдобар централен бек. Најдобро лево крило е Анхел Фернандез Перез од Шпанија, а на пикерската позиција се најде Французинот Лудовик Фабрегас. Најдобар млад играч на Светското првенство е Јури Кнор од Германија.