Илкај Гундоган ќе се врати во редовите на Манчестер сити по само една сезона мината во дресот на Барселона.

Сега веќе екс-германскиот репрезентативец е во преговори со Каталонците да го раскине договорот една година порано и експресно ќе се врати во Сити каде претходно играше седум сезони и освои бројни трофеи како пет шампионски титули во Премиерлигата и една во Лигата на шампиони.

Веќе неколку години Барселона има сериозни финансиски проблеми, па заминувањето на Гундоган на клубот ќе му овозможи регистрација на новото засилување Дани Олмо од Лајпциг, кој го пропушти првото коло.