Лара Гут-Бехрами во Алтенмаркт дојде до третата сезонска победа во Светскиот куп во алпско скијање, но прва во супер велеслалом и тоа со време 1 минута, 14 секунди и 95 стотинки.

Зад неа со 25 стотинки послабо време заврши Корнелија Хитер од Австрија, а трета беше уште една Австријка, Мирјам Пухнер.

Хитер води во супер велеслалом со 310 бодови, а денешната победничка Гут-Бехрами е втора со 220. Во генералниот поредок прва е Микаела Шифрин со 929 бодови, Федерика Брињоне е втора со 787, а Гут-Бехрами е трета со 749 бодови.

Во вторник се вози слаломска трка во Флахау, а следниот викенд натпреварите продолжуваат во Јасна, Словачка.