Јапонскиот автомобилистички гигант Хонда официјално објави дека ќе продолжи во Формула 1 од 2026 година и ќе го снабдува Астон Мартин со мотори.

Хонда моментално го снабдува со мотори најдоминантниот тим во Формула 1, Ред Бул, но ова партнерство ќе заврши на крајот од сезоната 2025 година. Јапонскиот производител во 2021 година најави повлекување од спортот, но се предомисли откако Формула 1 донесе нови правила за моторите, кои речиси целосно ќе бидат еликтрифицирани и ќе користат на одржливи горива.

Ред Бул од 2026 година ќе има свој мотор, што ќе го конструира со помош на Форд во сопствената фабрика, па Хонда ќе има ново партнерство со Астон Мартин, тим кој моментално соработува со Мерцедес околу агрегатите.

Ова значи дека од 2026 година во Формула 1 ќе има шест снабдувачи со мотори, а тоа се Хонда, Ред Бул, Рено, Мерцедес, Ферари и Ауди.