Ромелу Лукаку конечно си замина од редовите на Челси и во следните три сезони ќе го носи дресот на Наполи. Италијанскиот клуб ќе плати обештетување од 30 милиони евра плус бонуси.

Белгиецот лани беше на позајмица во Рома, а претходно во Интер. Во Челси беше надвор од плановите на менаџерот Енцо Мареска па доаѓа на стадионот „Диего Армандо Марадона“ по инсистирање на тренерот Антонио Конте со кого имаше одлична соработка во Интер во минатото.

Во Неапол денеска пристигна и Скот Мектоминеј од Манчестер јунајтед чиј трансфер наскоро ќе се официјализира.