Македонската женска ракометна репрезентација вчера ги доби противниците за првата фаза од Европското првенство. Нашата селекција немаше среќа и за противници доби три репрезентации кои се во самиот врв на европскиот женски ракомет.

Првиот дуел на шампионатот избраничките на селекторот Љубомир Савевски ќе го одигра на петти ноември во Скопје, а противник ни е актуелниот олимписки првак Франција.

Два дена подоцна се среќаваме со Холандија додека на деветти ноември ќе се соочиме со Романија. Сите три средби ги играме во А1 арената Борис Трајковски, а термините ќе бидат дополнително одредени.

Пласман во следната фаза обезбедуваат трите првопласирани. Македонската престолнина ќе биде домаќин и на мечевите од втората група во Главната рунда, а ќе вкрстат репрезентациите од Д конкуренцијата што се игра во Подгорица, а ќе партиципираат Полска, Црна Гора, Германија и Шпанија.

ФОТО: Игор Паневски