Фудбалската репрезентација на Македонија следната година ќе биде дел од Ц лигата на нации и нашиот национален тим во пресрет на жрепката за четирите групи од ова издание ќе се најде во третиот квалитативен сад.

Покрај селекцијата на Македонија во третиот сад се Словачка, Северна Ирска и Кипар. Како носители се поставени Романија, Шведска, Ерменија и Луксембург, а потенцијални противници од вториот сад се Азербејџан, Косово, Бугарија и Фарските острови.

Во последниот четврти сад се сместени Белорусија, Литванија или Гибралтар кои за својот статус ќе се борат преку бараж и репрезентациите на Естонија и Летонија. Жрепката за Лигата на нации ќе се одржи на осми февруари во Париз, а мечевите ќе се играат во периодот од септември до ноември.

Освојувачот на првото место во секоја група ќе биде промовиран во нов член на Б лигата додека второпласираната селекција ќе игра бараж за настап на Светскиот шампионат. Освојувачот на четвртото место се сели во понизок ранг.

ФОТО: Игор Паневски