Марк Маркез им се врати на победите во Мото ГП шампионатот по три години пауза откако денеска славеше на трката за Големата награда на Арагон во Шпанија.

Осумкратниот светски шампион славеше во најсилната класа по цели 1.043 денови. Хорхе Мартин финишираше на второто место со пет секунди заостанување зад Маркез, додека целосно шпанскиот подиум го комплетираше младиот Педро Акоста.
Од четвртото до осмото место финишираа Бред Биндер, Енеа Бастијанини, Франко Морбидели, Фабио ди Џанантонио и Марко Бецеки.

Во генералниот поредок, Мартин се врати на врвот откако Франческо Бањаја не ја заврши трката поради судир со Алекс Маркез. Шпанецот сега има 299 бодови на првото место, Бањаја е втор со 276, а Марк Маркез се искачи на третото место со 229 бодови на сметка на Енеа Бастијанини, кој има само еден бод помалку.

Следниот викенд се вози трката за Големата награда на Сан Марино на патеката „Марко Симончели“ во Мизано.