Интер доби уште едно градско дерби против Милан и тоа во „битката“ за потписот на Маркус Тирам, кој е слободен агент откако му истече договорот со Борусија Менхенгладбах.

Французинот реши да ја прифати понудата на „нераѕурите“, која изнесува 6 милиони евра годишно. Се верува дека „росонерите“ имале пониска понуда од 5 милиони евра годишно, па парите пресудија каде голгетерот ќе ја продолжи кариерата.

Интерес за Тирам имеше и од ПСЖ и Лајпциг, но тој одлучи кариерата да ја продолжи во Интер.