Американката Сидни МекЛафлин го освои златото на 400 метри со пречки и таа е првата атлетичарка која постави нов светски рекорд на шампионатот во Јуџин.
МекЛафлин на целта пристигна со време од 50 секунди и 68 стотинки подобрувајќи го сопственото најдобро постигнување за 73 стоти дела и стана првата дама која во оваа дисциплина забележала резултат под 51 секунда и по втор пат оваа година има време на нов светски рекорд.
Зад МекЛафлин трката ја завршија Холанѓанката Фемке Бол и Далила Мухамад од САД.
