ТФТ Скопје вчера против Подгорица го запиша седмиот пораз на осмиот натпревар во рамки на АБА2-лигата. Денеска МЗТ Скопје ќе го игра својот прв натпревар на турнирот во Нови Сад, а противник е тимот на Шенчур.

Македонскиот шампион ќе се обиде да ги залечи раните од лошиот старт на годината во домашното првенство. АБА2-лигата е шанса за МЗТ да ја врати самодовербата по двата двата порази на дерби средбите против Пелистер и Работнички.

„Сино-белите“ од Аеродром имаат четири победи и три порази сезонава, па се наоѓаат во зоната за плејоф. Токму тоа е амбицијата на македонскиот првак да биде во првата половина од табелата. Денешниот ривал Шенчур има скор од 3-4, па МЗТ мора да победи за да направи исчекор и да не заостане во борбата за ТОП 8.

На последниот натпревар во АБА2 во декември, аеродромци загубија од Суботица, но денеска ќе бидат засилени со новиот кошаркар Харис Делалиќ, кој дојде од таборот на Игокеа.

Натпреварот помеѓу МЗТ и Шенчур денеска се игра од 21 часот.