Енис Барди во последните денови од јануарскиот преоден рок најверојатно ќе си замине од Трабзонспор, а од ден во ден се зголемува листата на клубови кои се заинтересирани за македонскиот репрезентативец.

Откако пред неколку дена беше објавено дека во трката за Барди се вклучуваат Мајорка, Бетис и Торино, Ница е последниот клуб кој би сакал да во види во своите редови.

Барди во Трабзонспор дојде во текот на летото откако турскиот прволигаш за него на Леванте му плати обештетување од осум милиони евра.

Трабзонспор сака да ја прекине соработката со македонскиот репрезентативец како дел од планот за намалување на буџетот за плати во овој дел од сезоната.

ФОТО: Игор Паневски