Македонската одбојкарска репрезентација вечерва од 20 часот и 15 минути во Скопје ќе го одигра првиот натпревар од новото издание на Европската сребрена лига.

Противник ни е селекцијата на Босна и Херцеговина со која во текот на минатата година одигравме два дуели во квалификациите за Европското првенство и забележавме две победи.

На клупата на нашиот национален тим ќе дебитира новиот селектор Ратко Павличевиќ, кој го презема водството на репрезентацијата пред почетокот на подготовките за настап во Сребрената лига.

Натпреварот се игра во А1 арената Борис Трајковски и влезот за сите заинтересирани е слободен.

ФОТО: Игор Паневски