Ракометарите на Еурофарм Пелистер вечерва од 18 часот во салата Боро Чурлески против Нексе го играат последниот натпревар од фазата по групи во СЕХА лигата.

Македонскиот вицепрвак мора да забележи победа за да обезбеди што е можно подобра стартна позиција во разигрувањето за настап на завршниот турнир во регионалното натпреварување.

“Знаеме дека Нексе е квалитетен противник и квалитетна екипа. Секоја година цели високо и не треба да трошиме зборови за нив. Не сме комплетни, но со нов стручен штаб и со нова енергија ќе се обидеме да дадеме максимум и ќе се обидеме да издвојуваме позитивен резултат”, изјави Гоце Ојлески.

ФОТО: РК Еурофарм Пелистер