Виктор Озимен е целосно разочаран од својот клуб Наполи кој објави видео на социјалната мрежа „Тик Ток“ со кое го исмејува фудбалерот за промашениот пенал против Болоња.

Јавноста остана шокирана од потегот на италијанскиот клуб, кој потоа го избриша видеото од социјалната мрежа, но не доволно брзо пред да предизвика бура од реакции.

🇳🇬 This was the original video posted by Napoli about Victor Osimhen… and then deleted.

⚠️ …player’s agent Calenda announced that Osimhen is considering to take legal action against Napoli. pic.twitter.com/0PLunco9aD

— Fabrizio Romano (@FabrizioRomano) September 26, 2023

Се огласи и агентот на Нигериецот, кој најави дека адвокатскиот тим на фудбалерот планира да го тужи Наполи.

„Она што се случи на официјалната страна на Наполи на ‘Тик Ток’ е неприфатливо. Видео кое го исмејува Виктор прво беше објавено јавно, а потоа и избришано. Сериозен факт, кој предизвикува сериозна повреда на играчот и само додава на третманот што момчето го има во последниот период помеѓу осуда на медиумите и лажните вести“, изјави Роберто Календа, агентот на Озимен. 

Напаѓачот реши да ги избрише сите објави во дрес на Наполи на својот профил на „Инстаграм“ што јасно покажува дека тој повеќе не сака да биде поврзвуван со овој клуб. Трансфер во јануарскиот преоден е и повеќе од реалност за Озимен.