Кошаркарите на Пелистер нема да играат во плејофот во АБА2-лигата откако денеска загубија од првопласираната Суботица во рамки на последниот натпревар од регуларниот дел од сезоната. Битолчани немаа сили да направат изненадување, а се чини плејофот го испуштија со поразот во претходното коло од Подгорица.

Пелистер загуби со 88-81, а се чини дека Спартак Суботица го реши натпреварот во вториот перид што го доби со убедливи 29-15. Противникот го контролираше натпреварот резултатски, а македонскиот тим успеа само да го ублажи поразот во финишот. Спартак со оваа победа го осигура првото место на табелата и ќе има најповолна позиција во разигрувањето, додека Пелистер е надвор од најдобрите осум тимови.

Андреј Магдевски со 24 поени и Јуре Планиниќ со 17 поени и 14 скока беа најдобри во составот на тренерот Дарко Радуловиќ.