Светската пливачка федерација донесе одлука според која пливачите од Русија и Белорусија во иднина ќе може да се појават на натпреварувањата, но ќе имаат статус на неутрални спортисти.

По серија консултации челниците на Светската федерација донесоа серија строги критериуми според кои пливачите од двете земји ќе можат да се вклучат во натпреварувачкиот систем.

Според нив секој спортист не смее да дава поддршка на инвазијата врз Украина, не смее да носи никакви државни обележја, а нема да се интонираат националните химни, а ќе бидат спроведени и строги допинг контроли.

Во секоја дисциплина ќе може да партиципира само еден пливач.

Светската пливачка асоцијација ја донесе одлуката откако претходно спроведе анкета меѓу  пливачите од 67% ја поддржуваат одлуката, но со почитување на сите критериуми.