Со петте натпревари од првото коло денеска се отвора новата сезона во Првата македонска фудбалска лига.

Бранителот на трофејот Струга на стартот е домаќин на Гостивар, а повратникот во елитното друштво Вардар попладнево гостува во Струмица каде ќе се соочи со АП Брера.

Дебитантот во Првата лига Воска Спорт пред своите навивачи се среќава со Шкендија, Брегалница во Штип го пречекува Силекс додека Тиквеш на стартот игра против Македонија ЃП.

Градското дерби меѓу Работнички и Шкупи ќе се одигра утре.

Сите натпревари почнуваат во 17 часот.

ФОТО: Игор Паневски