Андреј Рубљов е победник на третиот турнир од Мастерс серијата што се одржа во Монте Карло и со кој се отвори новата сезона на земјена подлога.

Рускиот тенисер до првиот трофеј на еден турнир од Мастерс серијата стигна откако во финалето во три сета со 5:7, 6:2 и 7:5 го совлада Данецот, Холгер Руне.

Рубљов денеска ја забележа 18-тата победа во досегашниот тек од сезоната и по двата порази во Монте Карло и Синсинати во 2021 година, тој конечно успеа да освои еден трофеј на турнирите од Мастерс серијата.

Деветнаесет годишниот Данец во второто финале не успеа да стигне и до уште еден трофеј, а првиот го освои минатата година кога триумфираше во Париз.

Инаку Руне беше првиот тинејџер кој успеал да стигне до финалето во Монте Карло по Рафаел Надал, кој во 2006-тата со 19 години успеа да забележи победи во кнежевството.

ФОТО: Игор Паневски