Арина Сабаленка на турнирот во Вухан, Кина до својата втора мастерс титула сезонава по онаа во Синсинати дојде откако денеска во големото финале ја победи домашната фаворитка Женг Чинвен. Белорусинката славеше со 6-3, 5-7 и 6-3 и трет пат по ред дојде до трофејот на овој турнир, по 2018 и 2019 година. Од 2020 до 2023 година турнирот не се одржуваше поради Ковид-пандемијата. За Сабаленка ова беше вкупно четврта титула сезонава, а вкупно шеста на мастерс турнирите во кариерата.