Позната е првата полуфинална двојка на женскиот дел од грен слемот Австралија опен. Првата фаворитка Арина Сабаленка ќе се соочи со Паула Бадоса.

Двократната бранителка на трофејот во Мелбурн, Сабаленка играше речиси два часа против Анастасија Пављученкова, но успеа да победи со 6-2, 2-6 и 6-3. Интересно Белорусинката го загуби првиот сет на Австралија опен уште од финалето во 2023 година. Со оваа победа првата светска тенисерка стигна до своето 10-то грен слем полуфинале во кариерата.

Нејзина противничка во четврток ќе биде Паула Бадоса. Шпанката ја изненади третата фаворитка Коко Гоф во два сета со 7-5 и 6-4 и за прв пат во кариерата ќе игра грен слем полуфинале.

Утре на програмата се преостанатите четвртфинални пресметки, Ига Швјонтек против Ема Наваро и Медисон Кијс против Елина Свитолина.