Манчестер јунајтед е подготвен да ја плати откупната клаузула од 60 милиони евра за Ким Мин Јае од Наполи, пишуваат англиските медиуми. Менаџерот Ерик тен Хаг во Кореецот гледа идеална замена за Хери Мегваер, кој е на излезна врата од „Олд Трафорд“.
Мин Јае има фантастична сезона во дресот на новиот италијански шампион откако дојде од редовите на Фенербахче минатото лето. Останува прашањето дали дефанзивецот е расположен за трансфер во Англија, бидејќи ако Јунајтед понуди 60 милиони евра, клубот не може да го задржи поради клаузулата. Конечната одлука ја има фудбалерот.
