Денвер можеби ги загуби првите два натпревари на домашен паркет, но врати со два триумфи на гости кај Минесота за да израмни на 2-2 во полуфиналето на плеј-офот во Западната конференција во рамки на НБА-лигата.

Нагетс славеа со 107-115 под водство на трикратниот МВП, Никола Јокиќ. Српскиот центар постигна 35 поени, Арон Гордон имаше 27, додека Џамал Мареј реализираше 19. Кај Тимбервулфс повторно блесна Ентони Едвардс со 44 поени, но тоа не беше доволно за триумф. Следниот натпревар се игра во Денвер.

Индијана го победи Њујорк со 121-89 пред своите гледачи и исто така израмни на 2-2 во полуфиналето на Источната конференција. Тајрис Халибартон со 20 поени беше најефикасен кај Пејсерс, кои имаа уште петмина со двоцифрен ефект во нападот. Алек Буркс со 20 поени беше најефикасен кај Никс, а најдобриот играч Џејлен Брансон реализираше 18 поени. Следниот дуел се игра во „Медисон сквер гарден“ во Њујорк.