Јаник Синер направи епски пресврт во финалето на Австралија опен против Данил Медведев за да дојде до својата прва грен слем титула. За младиот 22-годишен Италијанец ова беше четврта победа по ред во меѓусебните дуели со Русинот.

Медведев одлично го почна финалето во Мелбурн и ги освои првите два сета со по 6-3. Синер се разбуди во продолжението и направи голем пресврт па со 6-4, 6-4 и 6-3 стигна до дебитантскиот голем трофеј.

Русинот сега има една победа и пет порази во грен слем финалињата. Синер стана првиот Италијанец уште од 1976-тата година и само третиот во историјата на оваа земја што освоил грен слем трофеј. Медведев очигледно не можеше да го издржи темпото физички, бидејќи на овој турнир одигра четири меча во пет сета и постави рекорд за најмногу време поминато на теренот.

За потсетување, вчера во женското финале Арина Сабаленка ја освои титулата по победата на Чинвен Женг.