Калин Ивановски по петти пат сезонава ќе се бори за трофеј на еден ИТФ турнир. Најдобриот македонски тенисер овој пат стигна до финалето на турнирот во австрискиот град Крамзах што се игра за награден фонд од 25.000 долари.

Ивановски во меч што траеше 2 часа и 15 минути во три сета со 4:6, 6:2 и 6:2 го совлада Французинот, Матис Ерхар.

Противник во финалето ќе му биде Џерард Кампана Ли од Јужна Кореа кој забележа победа во соочувањето со првиот фаворит на турнирот Оливер Крофорд од САД.

ФОТО: Игор Паневски